Archives de catégorie : Document à la Une

[DOCUMENT] Acte relatif à la réalisation de la couverture du château de Chambord

1529, 31 août. — Tours.

Acte de cautionnement, avec sa contre lettre de caution, passé devant le notaire Etienne Viau par lequel Guillaume Robert et Pierre Vauhardy, couvreurs de maison à Tours, se portent caution de Pierre Poitevin, aussi couvreur de maison, dans un marché de mil livres qu’il a passé aux côtés de Jean Crest couvreur à Blois, avec Charles Bastard de Chauvigny, commissaire royal, pour réaliser la couverture d’une des tours et quanton de Chambord.

A. Original. Papier. Haut. : 320 mm ; Larg. : 210 mm. Tours, Archives départementales d’Indre-et-Loire, 3E1/47.

[f° 200] Le dernier jour d’aoust l’an M Vc XXIX en la court du roy notre sire a Tours, en droit, par devant nous [notaire] personnellement estably et deuement soubzmys, honorables hommes Guillaume Robert, canonnyer ordinaire en l’artillerie du roy notre dit sire, et Pierre Vauhardy, marchant couvreur de maisons demourans es forsbourgs dudit Tours, en la paroisse Saint-Pierre-des-Corps, lesquelx chascun [d’eulx et pour le tout sans division de partie]a a la priere et requeste de Pierre Poictenvyn aussi marchant couvreur demourant es forsbourgs et paroisse Saint-Pierre-des-Corps, se sont constituez et par ces presentes se constituent ses pleiges et caucions de faire la <une partie de la couverture> [couverture de l’une des tours et quantons du dongeon]b du chasteau de Chambort pour le roy notredit sire, jusques a la somme de mil livres tournois <par luy> selon et en ensuivant le marché par luy et Jehan Crest aussi <ces> couvreur de maisons, demorant a Blois, faict avec <les q> noble homme Charles Bastart de Chauvygny, seigneur de Musat (1), en la Marche, commissaire <[…]> [ordonné]c par le roy notredit sire au bastiement [et ediffice]d dudit chasteau de Chambort, et Anthoine de Troyes controlleur desdits bastiemens, honnorable homme Denis des Hostelz, commys de maistre Remond Forget, tresorier commys par le roy notre dit sire <[…]> a faire les paiement desdits bastiemens [et ediffices]e oudit lieu de Chambort, present acceptant. Obligeant <[…]> Mesmement leurs propres corps tenir prison ferme comme pour les propres debtes et affaires du roy. Renoncant, etc. par especial au bénéfice de division. Fidem etc. Presens Robert Charruau, marchant, et Claude Barillet clerc demourant audit Tours tesmoings etc. D’eulx seulz pour le [f° 200 v°] tout, sans division de partie couverture de l’une des tours et quantons du dongeon ordonné ediffier.

E. Viau [paraphe]

Les jours et an dessusdits en ladite court personnellement establiz et deuement soubzmis, ledit Pierre Poictevyn lequel a promis etc., acquicter, descharger de tout rendre quictes et indenpmes lesdits Robert Vauhardy ses pleiges , du pleigeaige en droit, garder et deffendre de tous coustz, despens, dommaiges et interestz. Obliegant par especial son propre corps a tenir prison fermee etc. Renonçant etc. le tout en la manyere qu’ilz s’y sont obligez. Renonçant ageet Fidem etc. Presens lesd. tesmoings etc.

a Dans l’interligne supérieur. b Dans l’interligne supérieur. — c Dans l’interligne supérieur. — d Dans l’interligne supérieur.— e Dans l’interligne supérieur.

(1.) Pour Murat (en Basse Marche), auj. commune de Gourdon-Murat, canton d’Ussel.

Transcription / edition  : P.  Aquillon, D. Rivaud.

[Document] Transport sur la Loire d’une partie de la charpente de Chambord

[1532, 16 mai. — Tours ]

Marché passé devant Etienne Viau, notaire à Tours, entre Etienne Hubert et Jean Procteny, maîtres charpentiers, d’une part et Jean Morier, Robin Sicart et Heliot Queuloux, notonniers sur la Loire, d’autre part, pour prendre en charge le déplacement sur le fleuve depuis le port de Saint-Pierre-des-Corps jusqu’a celui de Saint-Dié au dessus de Blois, puis par charrettes de celui-ci jusques à destination, des pièces de charpenteries qu’ils ont réalisées pour un des pavillons carrés de Chambord.

A. Original. Minutes notariales de E. Viau. Registre de 250 p. en papier. Papier. Haut. : 340 ; Larg. 220 mm. Tours, Archives départementales d’Indre-et-Loire, 3E1/51, f° 55 et 55 v°..

[f° 55] Le jeudi XVIe jour de may l’an M Vc trente deux, en la court du roy notre sire a Tours en droit, par devant nous personnellement estably et deuement soubzmis, Estienne Hubert, dit Gaultier, maistre charpentier, demourant es forsbourgs dudit Tours, en la paroisse Saint-Estienne, tant pour luy en son propre et privé nom que pour au nom et soy faisant fort de Jehan de Procteny aussi maistre charpentier son gendre, d’une part, et de Jehan Morier, Robin Sicart, Heliot Queuloux, tous marchans noutonniers <pardessus> demourans a Rochecorbon d’aultre part, lesquels Jehan Morier, Robin Sicart et Herbert Queuloux, et chacun [d’eulx seul et pour le tout sans division de partie]a ont promis, promectent, doyvent, seront tenuz charegez en leurs challans sur la riviere de Loire au port du bout des forsbourgs dudit Tours en la paroisse Saint-Pierre-des-Corps, le bois et charpenterie <ainsi> d’un pavillon carré ainsi que lesdits Estienne Hubert et Jehan de Procteny l’ont <faic> taillee ou faict faire et tailler pres <Saint-Jehan-des-Choux en la> la chappelle Saint-Jehan-des-Choux, duquel lieu lesdits charpentiers le feront charroier, arriver audit port. Et icelle charpenterie [lesdits noutennyers]b voictureront ou feront voicturer, mener et conduire par ladite riviere de Loire en leursdits challans [bien seurement a leurs propres coustz et despens]c jusques au port de Saint-Dié (1) au dessus de Blois au lieu que lesdits charpentiers leurs monstreront ou feront monster. Et Illec deschairger ladite charpenterie, [toutes les pieces ainsi que lesdites leurs seront baillées]d en lieu aisé, convenable, et la charger en chareste pour mener a Chambort [pour l’ediffice du roy nostredit seigneur]e et le plus toust, bref que faire pourront sans chommer ne aultres chouses [f° 55 v°] faire pour le pris et somme de quatre vingts dix livres t. monnaie courante. Laquelle somme de IIIIxx l. t. ledit Estienne Hubert, tant pour luy que pour ledit Jehan de Procteny a promis, promect, doit et sera tenu paier ausdits noutonnyers avant que chairger, en chairgeant, voicturant et quandt ilz auront deschairgé par parties, ainsi qu’ilz en auront besoing par necessité. Et par deffault de tout faire et accomplir par chacune desdites parties tous coustz etc. A demander etc. Et quant a tout etc. Obligeant etc. Renoncant par especial lesdits noutonnyers au benefice de division. Fidem etc. Presens, Pierre Poitevyn couvreur, Jacques Abraham, clerc, <tesmoing etc.> et Gacian François maistre des oeuvres de massonneries, charpenteries et couvertures pour le roy notredit sire en Touraine. Tesmoing etc. Constat en gloze : par chascun d’eulx sont pour le tour sans division de partie lesdits noutonnyerz, bien et seurement a leurs propres coustz et despens, toutes les pieces ainsi quelles leur seront baillees pour l’ediffice du roy notre sire audit lieu.

E. Viau [paraphe]

Le XIXe jour des mois et an dessusdits ledit Estienne Hubert a baillé et paié content ausdits Heliot Queuloux et Robin Sicart, la somme de douze livres dix solz t. sur le contenu cy-dessus. Dont etc. Quictebt etc. Presens Jehan de Fontenay, notaire en court laye et Jacques Abraham, clerc tesmoings. E. Viau [paraphe]

Le XXVIe jour des mois et an dessusdits lesdits Morier et Sicart ont receu content dudit Estienne Hubert la somme de trente deux livres t. sur le contenu cy-dessus. Presens de Fontenay et Jehan de Berry, tesmoings. [paraphe]

Le VIIIe jour de juin ensuivant audit an lesdits Morier et Sicart ont confessé avoir receu dudit Estienne Hubert la somme de vingt livres t. sur le contenu cy-dessus. Presens Michau Grégoire, ouvrier en soie, et Martin Morier habitant paroisse de Nozillé (2) [paraphe].

[en marge, f°55 r° : ]

[1.] le XIXe jour dudit mois de juing en suivant audit an, lesdits Morier, Sicart et Queuloux ont confessé et confessent avoir eu et receu dudit Estienne Hubert la somme de dix-sept livres dix solz et sur le contenu cy-dessus dont en quictent etc. Présent Pierre Collasson, marchant, Jacques Abraham, clerc, tesmoing faict. E. Viau [paraphe]

[2.] Le mardy second jour de juillet ensuivant, audit an, lesdits Morier, Robin Secart ont confessé avoir eu et receu dudit Estienne Hubert la somme de huit livres faisant le reste et son parfait paiement de ladite somme de quatre vingt dix livres <[…]> pour les voictures et coustz cydessus. Dont etc. Quictent etc. Présens Jacques Abrahan et Philippes Foucault, clercs demeurants audit Tours. tesmoings etc. E. Viau [paraphe]


a Dans l’interligne supérieur. — b Dans l’interligne supérieur. — c Dans l’interligne supérieur.  — d Dans l’interligne supérieur.e Dans l’interligne supérieur.

(1) Saint-Dyé-sur-Loire, ch.-l. de commune, Dep. Loir-et-Cher, arr. Blois, canton de Chambord.

(2) Nouzilly, ch.-l. de commune, Dep. Indre-et-Loire, arr. Tours, cant. Chateau-Renault.

 Transcription / edition  : P.  Aquillon, D. Rivaud.